पर्साको ठोरी गाउँपालिकामा क्षयरोग सम्बन्धि खकार परिक्षण शिविर सम्पन्न भएको छ। शिविरमा बिरामीको माइक्रोस्कोपिङ बिधिद्वारा खकार परिक्षण गरिएको थियो।
गत जेठ २४ र २५गते निर्मलबस्ती स्वास्थ्यचौकी बिजयबस्तिमा र जेठ २६ र २७गते सुवर्णपुर स्वास्थ्य चौकीमा संचालित शिविरमा ५६ जनाले खकार परिक्षण गराएको ठोरी गापाका स्वास्थ्य संयोजक रमेशराज थिङले जानकारी दिए।उनले २६ जना महिला र ३० जना पुरुष गरि ५६ जनाले खकार परिक्षण गराएकामा ४ जनामा क्षयरोगको संक्रमण भेटिएको बताए ।उनका अनुसार निर्मलबस्ती स्वास्थ्य शिविरमा परिक्षण गराएका ३ जना महिला र १ जना पुरुषमा क्षयरोगको संक्रमण देखिएको हो।
ठोरी गाउँपालिकाको आर्थिक सहयोगमा सम्पन्न शिविरमा बिरामीको खकारलाई माइक्रोस्कोपमा राखेर स्वास्थ्यकर्मीले परिक्षण गरेका थिए।
