ठोरी गाउँपालिकाको नवौं गाउँसभा आज सम्पन्न भएको छ । मधेस प्रदेश सरकारका उर्जा, सिंचाई तथा खानेपानी मन्त्री सिंहासन सा कलवारको प्रमुख आतिथ्यतामा उद्घाटन कार्यक्रम सम्पन्न भएको हो ।
ठोरी गाउँपालिका अध्यक्ष लाल बहादुर श्रेष्ठको अध्यक्षतामा सम्पन्न उद्घाटन कार्यक्रममा उपाध्यक्ष गोकुली रेग्मी, प्रमुख प्रशासकीय अधिकृत, जिल्ला समन्वय समिति पर्साकी सदस्य शुशिला बिक तथा पुर्व उप-प्रमुख ठाकुर न्यौपाने, नेकपा एमाले ठोरीका अध्यक्ष खगेन्द्र श्रेष्ठ, जसपाका पर्सा जिल्ला अध्यक्ष राम नरेश यादव, नेपाली कांग्रेसका प्रतिनिधि शम्भु पौडेल, सबै वडाका वडाध्यक्षहरु सहित ठोरीका सम्पुर्ण जनप्रतिनिधिहरु, कर्मचारीहरु, पत्रकार एवं गाउँबासीको सहभागीता रहेको थियो ।
उद्घाटन कार्यक्रम पश्चात सुरु भएको दोश्रो सेसनमा गाउँ पालिका अध्यक्ष लाल बहादुर श्रेष्ठले आर्थिक बर्ष २०८०/०८१ को नीति तथा कार्यक्रम प्रस्तुत गर्नुभएको थियो । अध्यक्षद्वारा प्रस्तुत नीति तथा कार्यक्रम सर्वसम्मतले पारित भएको छ । उद्घाटन कार्यक्रमकै क्रममा ठोरीका जेष्ठ नागरिकलाई परिचयपत्र बितरणको सुरुवात गरिएको थियो । गापाले दिएको जानकारी अनुसार ठोरीका ५ ओटै वडाका वडा कार्यालयहरुबाट भोलिदेखी नै ठोरीका सम्पुर्ण जेष्ठ नागरिकहरुलाई परिचयपत्र बितरण गरिनेछ ।
